Ниже приводится текст молебна, который благословляется совершать в приходах во время посещения Курской-Коренной иконы. По чинопоследованию это общий молебен Пресвятой Богородице согласно богослужебной традиции Зарубежной Церкви, с присоединёнными особыми песнопениями и молитвами Курской чудотворной иконе, в том числе с Акафистом Курской иконе. Богослужебные тексты также доступны здесь in English, и en français.
ПРИМЕЧАНИЕ. У нас также есть двуязычные издания в виде PDF-файлов, предназначенных для печати, в церковнославянско-английском и церковнославянско-французском изданиях, доступных здесь.
| Диакон: | Благослови́, влады́ко. |
| Священник: | Благослове́н Бог наш всегда́, ны́не и при́сно, и во ве́ки веко́в. |
| Лик: | Ами́нь. |
| Духовенство: | Сла́ва Тебе́, Бо́же наш, сла́ва Тебе́. |
| Лик: | Царю́ Небе́сный, Уте́шителю, Ду́ше и́стины, Иже везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша. |
| Диакон: | Бог Госпо́дь и яви́ся нам, благослове́н Гряды́й во и́мя Госпо́дне. |
| Стих 1: | Испове́дайтеся Го́сподеви, я́ко благ, я́ко в век ми́лость Его́. |
| Стих 2: | Обыше́дше обыдо́ша мя и и́менем Госпо́дним противля́хся им. |
| Стих 3: | Не умру́, но жив бу́ду и пове́м дела́ Госпо́дня. |
| Стих 4: | Ка́мень, его́же небрего́ша зи́ждущии, сей бысть во главу́ у́гла, от Го́спода бысть сей и есть ди́вен во очесе́х на́ших. |
| Лик: | Тропарь Курской иконы, глас 4: Я́ко необори́мую сте́ну и исто́чник чуде́с, / стяжа́вше Тя раби́ Твои́, Богоро́дице Пречи́стая, / сопроти́вных ополче́ния низлага́ем. / Те́мже мо́лим Тя: // мир гра́ду Твоему́ да́руй и душа́м на́шим ве́лию ми́лость. Слава… и ныне…: Кондак Курской иконы, глас 6: Прииди́те ве́рнии, / све́тло да пра́зднуем всечестна́го о́браза Богома́тере чу́дное явле́ние, / и от того́ благода́ть почерпа́юще, / Первообра́зней уми́льно возопии́м: // ра́дуйся, Мари́е Богоро́дице, Ма́ти Бо́жия, Благослове́нная. |
По сем запевы:
Песнь 1
| Духовенство: | Пресвята́я Богоро́дице, спаси́ нас. |
| Лик: | Пресвята́я Богоро́дице, спаси́ нас. |
| Духовенство: | Сла́ва Отцу́ и Сы́ну и Свято́му Ду́ху. |
| Лик: | И ны́не и при́сно и во ве́ки веко́в. Ами́нь. |
Песнь 3
| Духовенство: | Пресвята́я Богоро́дице, спаси́ нас. |
| Лик: | Пресвята́я Богоро́дице, спаси́ нас. |
| Духовенство: | Сла́ва Отцу́ и Сы́ну и Свято́му Ду́ху. |
| Лик: | И ны́не и при́сно и во ве́ки веко́в. Ами́нь. Спаси́ от бед рабы́ Твоя́, Богоро́дице, я́ко вси по Бо́зе к Тебе́ прибегáем, я́ко неруши́мей стене́ и предстáтельству. При́зри благосе́рдием, всепе́тая Богоро́дице, на мое́ лю́тое телесе́ озлобле́ние, и исцели́ души́ моея́ боле́знь. |
| Диакон: | Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй. |
| Лик: | Го́споди, поми́луй. трижды. |
| Диакон: | Еще́ мо́лимся о Вели́ком Господи́не и отце́ на́шем Святе́йшем Патриа́рсе Кири́лле, и о Господи́не на́шем Высокопреосвяще́ннейшем митрополии́те Иларио́не, первоиера́рсе Русския зарубе́жныя це́ркве, и о господи́не на́шем преосвяще́ннейшем епи́скопе Ирине́е, и о всей во Христе́ бра́тии на́шей. |
| Лик: | Го́споди, поми́луй. трижды. |
| Диакон: | Еще́ мо́лимся о Богохрани́мей стране́ Росси́йстей, и Богохрани́мей стране́ сей, власте́х, во́инстве и наро́де ея́, да ти́хое и безмо́лвное житие́ поживе́м во вся́ком благоче́стии и чистоте́. |
| Лик: | Го́споди, поми́луй. трижды. |
| Диакон: | Еще́ мо́лимся за всю бра́тию и за вся христиа́ны. |
| Лик: | Го́споди, поми́луй. трижды. |
| Священник: | Я́ко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в. |
| Лик: | Ами́нь. |
Песнь 4
| Духовенство: | Пресвята́я Богоро́дице, спаси́ нас. |
| Лик: | Пресвята́я Богоро́дице, спаси́ нас. |
| Духовенство: | Сла́ва Отцу́ и Сы́ну и Свято́му Ду́ху. |
| Лик: | И ны́не и при́сно и во ве́ки веко́в. Ами́нь. |
Песнь 5
| Духовенство: | Пресвята́я Богоро́дице, спаси́ нас. |
| Лик: | Пресвята́я Богоро́дице, спаси́ нас. |
| Духовенство: | Сла́ва Отцу́ и Сы́ну и Свято́му Ду́ху. |
| Лик: | И ны́не и при́сно и во ве́ки веко́в. Ами́нь. |
Песнь 6
| Духовенство: | Пресвята́я Богоро́дице, спаси́ нас. |
| Лик: | Пресвята́я Богоро́дице, спаси́ нас. |
| Духовенство: | Сла́ва Отцу́ и Сы́ну и Свято́му Ду́ху. |
| Лик: | И ны́не и при́сно и во ве́ки веко́в. Ами́нь. Спаси́ от бед рабы́ Твоя́, Богоро́дице, я́ко вси по Бо́зе к Тебе́ прибегáем, я́ко неруши́мей стене́ и предстáтельству. При́зри благосе́рдием, всепе́тая Богоро́дице, на мое́ лю́тое телесе́ озлобле́ние, и исцели́ души́ моея́ боле́знь. |
| Диакон: | Па́ки и па́ки ми́ром Го́споду помо́лимся. |
| Лик: | Го́споди, поми́луй. |
| Диакон: | Заступи́, спаси́, поми́луй и сохрани́ нас, Бо́же, Твое́ю благода́тию. |
| Лик: | Го́споди, поми́луй. |
| Диакон: | Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу, и Присноде́ву Мари́ю со все́ми святы́ми помянýвше, са́ми себе́, и дрyг дрýга, и вeсь живо́т нaш Христу́ Бо́гу предади́м. |
| Лик: | Тебе́, Го́споди. |
| Священник: | Ты бо еси́ Царь ми́ра, и Спас дyш на́ших, и Тебе́ сла́ву возсыл́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в |
| Лик: | Ами́нь. Посем Акафист. |
| Диакон: | Во́нмем. Прему́дрость. Во́нмем. Проки́мен, гла́с 4: Помяну́ и́мя Твое́ / во вся́ком ро́де и ро́де. |
| Лик: | Помяну́ и́мя Твое́ во вся́ком ро́де и ро́де. |
| Диакон: | Слыши, Дщи, и виждь, и приклони́ у́хо Твое́. |
| Лик: | Помяну́ и́мя Твое́ во вся́ком ро́де и ро́де. |
| Диакон: | Помяну́ и́мя Твое́. |
| Лик: | Во вся́ком ро́де и ро́де. |
| Диакон: | Го́споду помо́лимся. |
| Лик: | Го́споди, поми́луй. |
| Священник: | Я́ко свят еси́, Бо́же наш, и во святы́х почива́еши, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в. |
| Лик: | Ами́нь. |
| Диакон: | Вся́кое дыха́ние / да хва́лит Го́спода. |
| Лик: | Вся́кое дыха́ние / да хва́лит Го́спода. |
| Диакон: | Хвали́те Бо́га во святы́х Его́, хвали́те Его́ в утверже́нии си́лы Его́. |
| Лик: | Вся́кое дыха́ние / да хва́лит Го́спода. |
| Диакон: | Вся́кое дыха́ние. |
| Лик: | Да хва́лит Го́спода. |
| Диакон: | И о сподо́битися нам слы́шанию свята́го Ева́нгелия Го́спода Бо́га мо́лим. |
| Лик: | Го́споди, поми́луй. трижды. |
| Диакон: | Прему́дрость, про́сти, услы́шим свята́го Ева́нгелия. |
| Священник: | Мир всем. |
| Лик: | И ду́хови твоему́. |
| Священник: | От Луки́ свята́го Ева́нгелия чте́ние. |
| Лик: | Сла́ва Тебе́, Го́споди, сла́ва Тебе́. |
| Диакон: | Во́нмем. |
И чтет священник Евангелие от Луки, зачало 4:
Во дни о́ны, воста́вши, Мариа́м, и́де в го́рняя со тща́нием, во град Иу́дов. И вни́де в дом Заха́риин, и целова́ Елисаве́т. И бысть я́ко услы́ша Елисаве́т целова́ние Мари́ино, взыгра́ся младе́нец во чре́ве ея́: и испо́лнися Ду́ха Свя́та Елисаве́т. И возопи́ гла́сом ве́лиим, и рече́: благослове́на Ты в жена́х, и благослове́н плод чре́ва Твоего́. И отку́ду мне сие́, да прии́де Ма́ти Го́спода моего́ ко мне? Се бо, я́ко бысть глас целова́ния Твоего́ во у́шию мое́ю, взыгра́ся младе́нец ра́дощами во чре́ве мое́м. И блаже́нна Ве́ровавшая, я́ко бу́дет соверше́ние глаго́ланным Ей от Го́спода. И рече́ Мариа́м: вели́чит душа́ Моя́ Го́спода, и возра́довася дух Мой о Бо́зе Спа́се Мое́м. Я́ко призре́ на смире́ние Рабы́ Своея́: се бо, отны́не ублажа́т Мя вси ро́ди. Я́ко сотвори́ Мне вели́чие Си́льный, и свя́то и́мя Его́. Пребы́сть же Мариа́мь с не́ю я́ко три ме́сяцы, и возврати́ся в дом Свой.
| Лик: | Сла́ва Тебе́, Го́споди, сла́ва Тебе́. |
Песнь 7
| Духовенство: | Пресвята́я Богоро́дице, спаси́ нас. |
| Лик: | Пресвята́я Богоро́дице, спаси́ нас. |
| Духовенство: | Сла́ва Отцу́ и Сы́ну и Свято́му Ду́ху. |
| Лик: | И ны́не и при́сно и во ве́ки веко́в. Ами́нь. |
Песнь 8
| Духовенство: | Пресвята́я Богоро́дице, спаси́ нас. |
| Лик: | Пресвята́я Богоро́дице, спаси́ нас. |
| Духовенство: | Сла́ва Отцу́ и Сы́ну и Свято́му Ду́ху. |
| Лик: | И ны́не и при́сно и во ве́ки веко́в. Ами́нь. |
Песнь 9
| Духовенство: | Пресвята́я Богоро́дице, спаси́ нас. |
| Лик: | Пресвята́я Богоро́дице, спаси́ нас. |
| Духовенство: | Сла́ва Отцу́ и Сы́ну и Свято́му Ду́ху. |
| Лик: | И ны́не и при́сно и во ве́ки веко́в. Ами́нь. Досто́йно есть я́ко вои́стинну / блажи́ти Тя, Богоро́дицу, / Присноблаже́нную и Пренепоро́чную / и Ма́терь Бо́га на́шего. / Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Бого́родицу Тя велича́ем. |
| Диакон: | Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй. |
| Лик: | Го́споди, поми́луй. трижды. |
| Диакон: | Еще́ мо́лимся о Вели́ком Господи́не и отце́ на́шем Святе́йшем Патриа́рсе Кири́лле, и о Господи́не на́шем Высокопреосвяще́ннейшем митрополии́те Иларио́не, первоиера́рсе Русския зарубе́жныя це́ркве, и о господи́не на́шем преосвяще́ннейшем епи́скопе Ирине́е, и о всей во Христе́ бра́тии на́шей. |
| Лик: | Го́споди, поми́луй. трижды. |
| Диакон: | Еще́ мо́лимся о Богохрани́мей стране́ Росси́йстей, и Богохрани́мей стране́ сей, власте́х, во́инстве и наро́де ея́, да ти́хое и безмо́лвное житие́ поживе́м во вся́ком благоче́стии и чистоте́. |
| Лик: | Го́споди, поми́луй. трижды. |
| Диакон: | Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставлении грехов рабов Божиих, братии святаго храма сего. |
| Лик: | Го́споди, поми́луй. трижды. |
| Диакон: | Еще молимся Тебе, Господу Богу нашему, еже услышатися. гласу моления нашего и молитве, и помиловати рабов Твоих (имя рек), благодатию и щедротами Твоими, и исполнити вся прошения их и простити им вся согрешения вольная и невольная, благоприятным же быти мольбам и милостыням их пред престолом владычества Твоего, и покрыти их от всех врагов их видимых и невидимых, от всякой напасти, беды и скорби и недугов избавити, и подати здравие с долгоденствием, рцем вси, Господи, услыши и помилуй. |
| Лик: | Го́споди, поми́луй. трижды. |
| Диакон: | Еще́ мо́лимся за всю бра́тию и за вся христиа́ны. |
| Лик: | Го́споди, поми́луй. трижды. |
| Священник: | Услы́ши ны, Бо́же, Спаси́телю наш, упова́ние всех конце́в земли́ и су́щих в мо́ри дале́че, и ми́лостив, ми́лостив бу́ди, Влады́ко, о гресе́х на́ших, и поми́луй ны. Ми́лостив бо и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в. |
| Лик: | Ами́нь. |
| Диакон: | Ко Пресвяте́й Влады́чице на́шей Богоро́дице и Присноде́ве Мари́и со умиле́нием серде́ц на́ших помо́лимся. |
| Лик: | Пресвята́я Богоро́дице, спаси́ нас. |
| Священник: | О Цари́це Небе́сная! Кто изочте́т вели́кое мно́жество чуде́с Твои́х, кто исчи́слит во́пли моли́твенных проше́ний, то́ки умиле́нных слез, благода́рных воздыха́ний, проли́тых пред ико́ною Твое́ю. Ове́яна у́бо вся она́ ско́рбию наро́дною, пла́чем угнете́нных и ра́достною хвало́ю уте́шенных. Припа́даху к ней лю́дие, поне́сшие ага́рянское и́го, пла́каху Москва́ в сму́тное вре́мя, взыва́ше Ку́рск в наше́ствие вра́жеское. Вопия́ше вся о́бласть во дни смертоно́сных боле́зней и бед, и вся ско́рби во дни на ра́дость прелага́ла еси́. Те́мже и ны́не благослови́ зе́млю Ру́сскую. Спаси́ от греха́, поги́бели и собла́знов страну́ на́шу. Изле́й благода́ть на труд земледе́льческий и на вся́кое благо́е начина́ние обще́ственное. Помяни́, Пресвята́я Де́во, по и́мени всех предстоя́щих и моля́щихся и вся лю́ди, тре́бующия Твоего́ утеше́ния, по́мощи и милосе́рдия. Ты у́бо ве́си та́йная серде́ц на́ших. Те́мже всем по потре́бе их проше́ния испо́лни. Изря́днее же заблу́дших обрати́ к покая́нию, нас же всех умудри́ све́том Ева́нгельския любви́ и до́брых дел. Архипа́стыри и па́стыри и вся ве́рныя в Правосла́вии до сме́рти тве́рды покажи́, в Ца́рство Небе́сное упра́ви и со Христо́м жи́ти сотвори́ во ве́ки веко́в. Ами́нь. |
| Лик: | Ами́нь. Велича́ем Тя, / Пресвята́я Де́во, / и чтим о́браз Твой честны́й, / и́мже показа́ла еси́ // пресла́вное зна́мение. |
| Диакон: | Прему́дрость. |
| Священник: | Пресвята́я Богоро́дице, спаси нас. |
| Лик: | Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем. |
| Священник: | Сла́ва Тебе́, Христе́ Бо́же, упова́ние на́ше, сла́ва Тебе́. |
| Лик: | Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь. Го́споди, поми́луй, трижды. Высокопреосвяще́ннейший Влады́ко, благослови́. |
Священник творит отпуст.
